İnsan Alveri: Orta-müddətli Qiymətləndirmə Hesabatı

Azərbaycan Höküməti tərəfindən insan alveri ilə əlaqədar il ərzində bəzi addımlar atılmışdır, lakin qanunvericiliyin qəbulu və cinayət məcəlləsinə əlavələrin edilməsinə baxmayaraq, qurbanların qorunması və qanunların icrasında əsas məqamlar hələ də yerinə yetirilməyib. 2005-ci ilin oktyabr ayında Hökümət insan alverinə qarşı qanunvericiliyi çərçivəsində cinəyət məcəlləsinə önəmli əlavələr qəbul etmişdir. Bununla bərabər,

Azərbaycan Höküməti sözügedən qanunun konkret icrasına hələ də başlamalıdır. Hökümət hələ də qurbanların müəyyən edilməsi və təyinatı sistemini yekunlaşdırmamış və həmçinin, insan alveri ilə mübarizə üzrə xüsusi polis qurumunun fəaliyyətini təkmilləşdirmək üçün əhəmiyyətli addımlar atmamışdır. Azərbaycan Höküməti insan alveri ilə mübarizə üzrə xüsusi polis qurumunun işini tənzimləmək üçün yaradılan prosedur qaydalarının istifadəsi və ya icrasını hələ də tam həyata keçirməlidir. Əlavə olaraq, xüsusi polis qurumunda çalışacaq əməkdaşların beynəlxalq standartlara uyğun yoxlanılması və təlimləndirilməsi üçün standart və şəffaf prosedurlar müəmmalı qalmaqdadır. Azərbaycandan olan qurban qadınlarının Amerika Birləşmiş Ştatlarına satılmasını təşkil edən üç Azərbaycanlı kişinin yaratdığı insan alveri dairəsinin istintaqında Daxili İşlər Nazirliyi fəal şəkildə əməkdaşlıq nümayiş etdirmişdir. İnsan alveri qurbanlarını qəbul edən və onlara müvafiq yardımın göstərilməsi məqsədilə yaradılan və hökümət tərəfindən xüsusi olaraq bu məqsəd üçün ayrılan sığınacağın yekun təmir işlərinin mart ayının 1-nə kimi yekunlaşdırılması qeyri-mümkün hesab edilir. Həmçinin, sığınacaq binasının insan alveri ilə mübarizə üzrə xüsusi polis qurumunun yaxınlığında yerləşdirilməsi qurbanların məxfiliyi və təhlükəsizliyi ilə əlaqədar narahatçılığı artırır. Və nəhayət, insan alveri üzrə yeni qanununda insan alverinin qurbanı anlayışının məhdud açıqlanması və beləliklə bu problem haqda hökümətdə yetərincə məlumatın olmaması ehtimalı ciddi narahatçılıq doğurur. Həmçinin, həmin açıqlama daha böyük sayda insan alverinin potensial qurbanlarını əhata etmir və Azərbaycandakı insan alveri qurbanlarının üzləşdiyi sosial qınağın yumşaldılmasına yönəldilən səyləri əngəlləməyə qadirdir.