Azərbaycan İcra Biznes İnkişafı Missiyası Vaşinqtona yola düşmüşdür. İkili əlaqələrin
10-cu ildönümünü qeyd etmək üçün ABŞ səfirliyi tərəfindən planlaşdırılan fəal,
işgüzar il üçün təşəbbüslər Bakı

5 mart, 2002-ci il

Azərbaycanın icra rəhbərliyinin rəsmilərindən ibarət nümayəndə heyəti Azərbaycan İcra Biznes İnkişafı Missiyasının işində iştirak etmək üçün bu gün Vaşinqtona yola düşmüşdür. İT (informasiya texnologiyası), telekommunnikasiya, səhiyyə, tikinti, ərzaq emalı və qablaşdırılması sahələri üzrə aparıcı Azərbaycan şirkətləri nümayəndələrindən ibarət heyət Vaşinqtonda Amerika-Azərbaycan Ticarət palatasının illik konfransında iştirak edəcəkdir. ABŞ-ın Ticarət Departamenti həmçinin potensial ABŞ partnyorları ilə təkbətək görüşlər təşkil edəcəkdir. ABŞ Ticarət və İnkişaf Agentliyi səfər üçün qrant ayırmaq yolu ilə Azərbaycan üçün ayrılan 3 milyon dollar portfolio hesabına bu missiyanı dəstəkləmişdir.

«907 Əlavədən irəli gələn məhdudiyyətlərin aradan qaldırılması ABŞ-Azərbaycan əlaqələrində yeni, müsbət səhifə açmışdır. Bizim münasibətlərimizin mühüm hissələrindən biri – Amerika və Azərbaycan şirkətləri üçün mənfəətli işgüzar əlaqələr yaratmaq üçün biznesin-bizneslə ünsiyyətini yaratmaqdır,» deyə səfir Ross Vilson qeyd etmişdir. «Amerika-Azərbaycan ticarət palatasının Vaşinqtonda keçirilən illik konfransı bu nüfuzlu nümayəndə heyətinin perspektiv Amerikalı partnyorlarla görüşməsi üçün əla imkandır. ABŞ-ın Ticarət Departamenti həm Vaşinqtonda, həm də ABŞ səfirliyi Ticarət xidməti vasitəsilə Bakıda işgüzar əməkdaşlıq üçün sahələri üzə çıxaracaq, ABŞ və Azərbaycan şirkətləri arasında işin uğurlu olması naminə səyini əsirgəməyəcəkdir.»

ABŞ-Azərbaycan əlaqələrinin 10-cu ildönümü ilə əlaqədar ABŞ səfirliyi Ticarət xidməti 2002-ci ildə silsilə işgüzar inkişaf təşəbbüsləri həyata keçirəcəkdir. Bu tədbirlərə Amerikanın malları və xidmətlərindən ibarət kataloqun əsas ticarət sərgilərində, o cümlədən InterFood (aprel), BakuTel (sentyabr) and BakuBuild (oktyabr) nümayiş etdirilməsi daxildir. ABŞ səfirliyi kommersiya xidməti eləcə də əsas işgüzar partnyorlarla, Azərbaycanın ticarət və sənaye palatası ilə birgə işləyərək, Azərbaycanın müxtəlif rayonlarında Amerika-Azərbaycan əməkdaşlığının yeni sahələrini üzə çıxarmağa çalışacaqdır. May ayında ABŞ Ticarət və İnkişaf agentliyi İstanbulda «İstiqamət Avrasiya: Turizm üçün infrastruktur yaradarkən» mövzusunda konfrans keçirəcəkdir. Konfrans Azərbaycanda turizm və infrastruktur məsələlərinə həsr olunacaqdır.

İyun ayında ABŞ səfirliyi ticarət xilməti Xəzər neft və qaz sərgisində (iyun 4-7) ABŞ-ın pavilyonunu təşkil edəcəkdir ki, burada Amerikanın Azərbaycan ticarət palatası və Amerika-Azərbaycan Ticarət palatası təmsil olunacaqlar. Sərgi müddətində həmçinin Xəzərda maliyyə seminarı da keçiriləcəkdir ki, məqsəd ABŞ-ın Exim Bank, Xarici özəl sərmayə korporasiyası (Overseas Private Investment Corporation), və Ticarət və İnkişaf Akentliyindən (Trade and Development Agency) layihələrin maliyyələşdirilməsi imkanları barədə ABŞ və Azərbaycan şirkətləri məlumatlandırılacaqlar. Bu yay elektron-biznes təşəbbüsü - BuyUSA.com start götürəcəkdir ki, bu da ABŞ və Azərbaycan şirkətləri arasında on-layn biznes əlaqələrini mümkün edəcəkdir.

«Amerika şirkətləri Azərbaycanın enerji sektoruna külli miqyasda sərmayə yatırmışlar. Mən hesab edirəm ki, qeyri-neft və qaz sektorunda da ABŞ şirkətlərinin marağına səbəb olacaq xeyli imkan vardır», səfir Vilson demişdir. «İqtisadi islahatlar, o cümlədən özəlləşdirmə, qanunun aliliyinin daha da səmərəli təmin olunması, kommersiya və inzibati funksiyaların bir-birindən ayrılması və mükəmməl vergi idarəçiliyi və yığımı bundan sonra da ölkənin ehtiyac duyduğu investisiyanın buraya axınını təmin etmiş olacaqdır. Amerika Birləşmiş Ştatları Azərbaycan hökumətinin iqtisadi islahatlar sahəsindəki səylərini dəstəkləyir və Ticarət və İnkişaf akentliyi bu yaxınlarda Azərbaycan hökumətinə DTT-ə qoşulmaq sahəsində Müşavir təklif edəcəkdir. ABŞ şirkətləri ilə iş birliyi barədə əlavə məlumat almaq üçün ABŞ səfirliyinin ticarət xidməti ilə əlaqə saxlaya bilərsiniz. Fax: 98-61-17, E-mail: Baku.Office.Box@mail.doc.gov və ya www.buyusa.gov/azerbaijan