Elmar Hüseynovun qətli ilə bağlı ABŞ səfirliyinin bəyanatı

3 mart, 2005

ABŞ səfirliyi görkəmli jurnalist və Monitor jurnalının baş redaktoru Elmar Hüseynovun qətli ilə bağlı şok və kədər hissi keçirir. Cənab Hüseynov mətbuat aləminin aparıcı siması, mətbuat azadlığının sadiq mübarizi və Azərbaycanda demokratiyanın haqq səsi idi. O, çətinliklər qarşısında belə öz inam və prinsiplərindən daşınmayan bir şəxs idi. «Monitor» - Azərbaycanın istiqamət və gələcəyinə dair ictimai dialoqa mühüm töhfə verən jürnal idi. Elmar Hüseynovun ölümü Azərbaycanda demokratiya və mətbuat azadlığının davamlı inkişafı üçün böyük itkidir. Onun şövqü, sədaqəti və qüdrətinin yeri çox görünəcəkdir.

ABŞ səfirliyi Azərbaycan hökuməti Elmar Hüseynovun qətlini tam təhqiq etmək və qatil və ya qatillərin ədalət qarşısında dayanmaları üçün mümkün olan hər şeyi etməyə çağırır.

Bu kədər anında biz Elmar Hüseynovun ailəsinə dərin hüznümüzü bildiririk.