Sülh Korpusu haqqında Ümumi məlumat və onun Missiyası

Sülh Korpusu Prezident Con Kennedi tərəfindən 1961-ci ildə Amerika gənclərinin cağırışına cavab olaraq yaradılmışdır. Onlar köməklik üçün müraciət edən ölkələrin sosial, iqtisadi və insan ehtiyatlarının inkişafı üçün ixtisaslaşmış Amerikalı könüllülərinin təmin olunmasını təklif edirdilər. 43 il ərzində 170 000 Amerikalı 134 ölkədə xidmət göstərmişdir. Bugün, Sülh Korpusunun 7 000 Könüllüsü, Azərbaycan daxil olmaqla, 77 ölkədə xidmət göstərir.

Sülh Korpusunun missiyası fərdlər və təşkilatlarla bilik və təcrübənin səmərəli mübadiləsinə köməklik göstərməkdən ibarətdir. Könüllülər mal, avadanlıq və ya pul təmin etmirlər. Sülh Korpusu üç fundamental məqsədi yerinə yetirərək dünyada sülh və dostluğa yardım göstərməyə çalışır.

• Azərbaycanın sosial və iqtisadi inkişafına köməklik göstərmək üçün təlim keçmiş kişi və qadınları göndərmək;
  
• Azərbaycanlıların Amerika xalqını daha yaxşı tanımasına kömək etmək;
• Amerikalıların Azərbaycan xalqını daha yaxşı tanımasına kömək etmək.
  
  Proqram və Gələcək Planlar
  Üç aylıq təlim keçdikdən sonra Sülh Korpusunun Könüllüləri iki il müddətində xidmət göstərməyə razılıqlarını bildirirlər. Xidmətdən əvvəl Təlim zamanı və iki-illik xidmətlərinin ilk altı ayı ərzində Könüllülər xidmət göstərdikləri icmalarda azərbaycanlı ailələrdə yaşayırlar.

Onların xidmətinin təbiəti ölkənin izhar edilmiş ehtiyaclarından və agentlyin həmin ehtiyaclara cavab vermək bacarığından asılıdır. Hal-hazırda Azərbaycanda Sülh Korpusunun 25 Könüllüsü ölkənin orta məktəbləri və Pedaqoji institutlarında şagird və tələbələrə İngilis dilini tədris edirlər. 2004-cü il iyul ayının axırında Könüllü müdavimlərin nöbəti 31 nəfərlik qrupunun gəlişi gözlənilir. Onlar da İngilis dili müəllimləri olacaqlar. Könüllülərin üçüncü qrupunun gəlişi cədvəldə 2005-ci ilin mart ayında nəzərdə tutulur. Üçüncü qrupa həmçinin kiçik biznes və mikro-müəssisələrin inkişafı üzrə mütəxəssislər də daxil olacaq.

Sülh Korpusunuin fəaliyyəti barədə ətraflı məlumat üçün www.peacecorps.gov internet ünvanını nəzərdən keçirə bilərsiz.